ფრანგული "სუპერ პუმას" ტიპის ვერტმფრენები შინაგან საქმეთა სამინისტროს გადაეცემა. როგორც ჟურნალისტებს შს მინისტრმა ვახტანგ გომელაურმა მთავრობის სხდომის დაწყებამდე განუცხადა, ვერტმფრენს სამაშველო და სასაზღვრო მონიტორინგის მიზნით გამოიყენებენ.
,,ვერტმფრენი ჯერ გადმოცემული არ არის, მაგრამ სამუშაოები მიმდინარეობს”, _განაცხადა გომელაურმა, რომელმაც ასევე გააკეთა განმარტება, თუ რატომ ვერ გამოიყენეს იგი 13 ივნისს მომხდარი სტიქიის დროს.
,,ეს ვერტმფრენები გამოყენებული ვერ იქნებოდა, რადგან გაჩერებულია ეკონომიკის სამინისტროში, მას შემოწმება უნდა. ის, დაახლებით, ორ წელზე მეტია გაჩერებულია, დგას არ განძრეულა საერთოდ, ვერ იფრენს, უნდა გაკეთდეს შემოწმება”, -განაცხადა გომელურმა.
