საქართველოს საგარეო საქმეთა მინისტრი, თამარ ბერუჩაშვილი პირველი ოფიციალური ვიზიტით სამხრეთ ამერიკის სამ ქვეყანას: არგენტინას, ჩილესა ურუგვაის და ეწვევა.
საგარეო უწყების პრესსპიკერის დავით კერესელიძის განცხადებით, ვიზიტის ფარგლებში ყურადღება გამახვილდება ორმხრივი ურთიერთობების გაღრმავებაზე.
მისივე განმარტებით, ვიზიტის ფარგლებში საგარეო საქმეთა მინისტრი არგენტინის ვიცე-პრეზიდენტს ამადო ბუდუს და საგარეო საქმეთა და კულტურის მინისტრ ექტორ ტიმერს შეხვდება.
,,ვიზიტის ფარგლებში ხელი მოეწერება შეთანხმებათა პაკეტს: "საქართველოს მთავრობასა და არგენტინის რესპუბლიკის მთავრობას შორის ორდინალური პასპორტების მფლობელთათვის უვიზო მიმოსვლის შესახებ”. ასევე, არგენტინაში ხელი მოეწერება შეთანხმებას კულტურის სფეროში თანამშრომლობის შესახებ და ეკონომიკის საბაჟო და საგადასახადო სფეროებში თანამშრომლობის შესახებ”, _განაცხადა კერესელიძემ და აღნიშნა, რომ 24 ივნისს, თამარ ბერუჩაშვილი ურუგვაის ეწვევა, სადაც შეხვდება ურუგვაის ვიცე-პრეზიდეტნ რაულ სენდიკს, ასევე ურუგვაის საგარეო საქმეთა მინისტრ ნინ ნოვოას.
,, ვიზიტის დროს ასევე გაფორმდება შეთანხმება ურუგვაისა და საქართველოს შორის ორდინალური პასპორტების მფლობელთათვის უვიზო მიმოვლის შესახებ. რაც შეეხება ჩილეს, ჩილეში ვიზიტის ფარგლებში თამარ ბერუჩაშვილი შეხვდება კოლეგას, ერალდო მუნიოს და შეხვედრა გაიმართება ჩილეს ეროვნულ კონგრესში. ასევე, ხელი მოეწერება ქვეყნებს შორის უვიზო მიმოსვლის შესახებ შეთანხმებას”, _განაცხადა კერესელიძემ.
მისივე ინფორმაციით, თამარ ბერუჩაშვილის ვიზიტი დღეს დაიწყება და 26 ივნისს დასრულდება.
