ლაშა ჩხარტიშვილის თქმით, "არ არის საჭირო ზედმეტი სენტიმენტალური დამოკიდებულება დამნაშავეებისადმი". როგორც გარემოსდამცველმა „იმედისკვირის“ ეთერში განაცხადა, მომხდარი სტიქიის შედეგებზე პასუხისმგებლობა არის გადასანაწილებელი წარსულ და მოქმედ ხელისუფლებებს შორის.
"სწორედ სამართლიანობისათვის, არ არის საჭირო ზედმეტი სენტიმენტალური დამოკიდებულება დამნაშავეებისადმი. სამართლიანობის დამკვიდრების თემა აქაც აქტუალურია: სტიქია, რა თქმა უნდა, არის ბუნებრივი მოვლენა, მაგრამ მით უფრო ხელისუფლების მზაობა უნდა ყოფილიყო გაცილებით მაღალი, ვიდრე იყო ნაჩვენები. პასუხისმგებლობა არის გადასანაწილებელი წარსულ და მოქმედ ხელისუფლებას შორის. ეს იყო ნელი მოქმედების ნაღმი, რომელიც დადო სააკაშვილის ხელისუფლებამ და არ განაღმა მოქმედმა. ეს გზა, რომ პრობლემატური იყო, წლებია ვსაუბრობთ. ამის გარდა, 4 ივნისს [წყალდიდობა სვანიძის ქუჩაზე] იყო გაფრთხილება, 4 ივნისის შემდეგ ჩამოტანილი მასალის გატანის საშუალება იყო - რაც არ დაწყებულა; ამ 9 დღეში არ მომხდარა განგაშის სისტემის დამონტაჟება...", - განაცხადა ჩხარტიშვილმა.
