პარლამენტის თავმჯდომარის დავით უსუფაშვილის თქმით, "ჩვენი ლამაზი სამშობლო გაცილებით უკეთ უნდა შევისწავლოთ იმისათვის რომ, გვქონდეს სწორი პროგნოზის საშუალება. გადაცემა «პირველი სტუდია»-ში დასმულ კითხვაზე თუ რატომ არ იყო წინასწარი ინფორმაცია სტიქიის დაწყების შესახებ, კანონმდებელი პასუხობს:
«ვერ გავიხსებებთ გაზაფხულს, ზაფხულს, როდესაც თბილისის ქუჩებში არ გვინახავს წყალდიდობა... საგანგაშო ვითარება რამდენად იყო და რამდენად იყო წინაპირობებო იმისა რომ გამოცხადებულიყო ევაკუაცია, გაგვეხიზნა მოსახლეობა, გამოგვეცხადებინა ის რომ ზოოპარკია გადასატანი სადღაც..? ამ დონის პროგნოზირება ვეჭვობ რომ შესაძლებელია, არ მგონია ეს ვინმეს შესძლებოდა. მაშინ თბილისში ძალიან ბევრი უბანია საფრთხის ქვეშ, ამ სტანდარტით თუ შევხედავთ. ევაკუაცია გამოვაცხადოთ ნახევარი თბილისის? არც ეს არის გონივრული მიქმედება. ჩვენ, პირველ რიგში, უნდა მოვახერხოთ საფრთხეების პროგნოზირება და ლოკალიზება."
ამისათვის, უსუფაშვილის თქმით, საჭიროა გაცილებით მეტი რესურსი.
"ფინანსური, ადამიანური, სხვა რესურსი უნდა დავხარჯოთ იმისთვის, რომ უკეთ ვიცნობდეთ ჩვენს საცხოვრებელ საცხოვრისს. ეს ლამაზი ტყეები, მდინარეები, მყინვარები არის ასეთი საფრთხეების შემცველი. 14 არსებულიდან აქ არის 11 კლიმატური ზონა, შესაბამისად ამ კლიმატური ზონების დამახასიეთებელი ბუნებრივი მოვლენები შეიძლება მოხდეს. ეს ჩვენი ლამაზი სამშობლი გაცილებით უკეთ უნდა შევისწავლოთ იმისათვის რომ, ჩვენ გვქონდეს სწორი პროგნოზის საშუალება...ამისთვის ასევე უნდა მოხდეს გარკვეული უწყებების კოორდინაცია", - განაცხადა პარლამენტის თავმჯდომარემ.
