თბილისის საკრებულოს თავმჯდომარის გიორგი ალიბეგაშვილის თქმით, 18-მილიონიანი სესხი არამხოლოდ ვაკის რაიონში სტიქიით დაზიანებული ობიექტების რეაბილიტაციას მოხმარდება. ამის შესახებ მან „2030“-ის ეთერში განაცხადა. შეგახსენებთ, დღეს თბილისის საკრებულომ მერიას თანხმობა მისცა სტიქიით დაზიანებული გზების რეაბილიტაციისათვის სესხის გამოყოფის შესახებ.
„ეს 18 მილიონი არამხოლოდ ვაკის მიმართულებას მოხმარდება, არამედ სხვადასხვა რაიონებსაც, იმიტომ რომ ცნობილია, რომ ბევრგან არის დაზარალებული ობიექტები“, - განაცხადა საკრებულოს თავმჯდომარემ.
