თბილისში მომხდარ ტრაგედიას სლოვაკეთის საგარეო საქმეთა მინისტრი მიროსლავ ლაიჩაკი გამოეხმაურა. მინისტრმა პირადად მიუსამძიმრა საქართველოს საგარეო საქმეთა მინისტრს თამარ ბერუჩაშვილს და მატერიალური დახმარება აღუთქვა.
კერძოდ, სლოვაკეთი 13 ივნისის წყალდიდობის შედეგად დაზარალებულთა გრძელვადიანი საჭიროებების დასაკმაყოფილებლად 15 000 ევროს ოდენობის თანხას წითელი ჯვრის საქართველოს ორგანიზაციას ჩაურიცხავს. სლოვაკეთის მთავრობა ასევე გამოთქვამს მზადყოფნას საქართველოში საჭიროების შემთხვევაში დასახმარებლად სხვადასხვა დარგის ექსპერტები გამოგზავნოს.
„ქართველ ხალხს და თბილისს ვუსურვებ მალე მოგეშუშებინოთ ამ ტრაგედიით გამოწვეული იარები და გისურვებთ მალე დაუბრუნდეთ ცხოვრების ჩვეულ რიტმს,“ განაცხადა მიროსლავ ლაიჩაკმა.
