მაიკროსოფტი ნოკიადან 9 ათასი თანამშრომლის დათხოვნას გეგმავს. ამის შესახებ ჩინური მედია იტყობინება. გავრცელებული ინფორმაციით, კომპანია პეკინსა და დუნგუანში ნოკიას ქარხნების დახურვას აპირებს, რის შედეგადაც ათასობით ადამიანი უმუშევარი დარჩება. ქარხნებში არსებულ აპარატურას კი მაიკროსოფტი ვიეტნამში გადაიტანს. მასობრივ როტაციას კომპანია ხარჯების შემცირების მიზნით განახორციელებს.