უკრაინის მიერ ცეცხლის შეწყვეტის სანაცვლოდ წამოყენებული პირობები სასაცილოა. ამის შესახებ რუსეთის საგარეო საქმეთა მინისტრმა განაცხადა. "მათ განაცხადეს, რომ მძიმე შეიარაღების გაყვანას მხოლოდ იმ შემთხვევაში დაიწყებენ, თუ ორი-სამი დღის განმავლობაში ერთი გასროლაც კი არ მოხდება. ეს მართლაც სასაცილოა. ეუთოს დამკვირვებლები, რომლებიც მონიტორინგს აწარმოებენ, აცხადებენ, რომ ცეცხლი მნიშვნელოვნად შესუსტდა და კონფლიქტის ზონაში მთლიანობაში სიმშვიდეა,"-აღნიშნა ლავროვმა.