შექმნილი მძიმე ჰუმანიტარული ვითარების ფონზე კიევის მიერ დონეცკისა და ლუგანსკისთვის გაზმომარაგების შეწყვეტა გენოციდის ტოლფასია. ამის შესახებ რუსეთის პრეზიდენტმა ვლადიმერ პუტინმა განაცხადა. მისივე თქმით, ამბოხებულების მიერ კონტროლირებად ტერიტორიაზე 4 მილიონამდე ადამიანი ცხოვრობს, რომლებიც კიევის გადაწყვეტილების შედეგად უმძიმეს მდგომარეობაში აღმოჩნდნენ. დონეცკისა და ლუგანსკის დეფაქტო რესპუბლიკებს "ნეფტოგაზმა" ბუნებრივი აირის მიწოდება 19 თებერვალს შეუწყვიტა, რის შემდეგაც სეპარატისტებს გაზს რუსეთი აწვდის, მოხმარებული აირის საფასურის გადახდას კი უკრაინას სთხოვს.
