გერმანიის კანცლერი კიევსა და სეპარატისტთა ლიდერებს ცეცხლის შეწყვეტისკენ მოუწოდებს. ამის შესახებ მან ბუდაპეშტში ვიზიტისას განაცხადა, სადაც პრემიერ ვიქტორ ორბანს შეხვდა.
ანგელა მერკელის თქმით, აღმოსავლეთ უკრაინის კონფლიქტის გადაჭრა ძალისმიერი გზით შეუძლებელია.
შესაბამისად, მხარეებმა მინსკის შეთანხმებით აღებული ვალდებულებები უნდა შეასრულონ და ზავის რეჟიმს დაუბრუნდნენ. მისივე განცხადებით, გერმანია უკრაინის იარაღით მომარაგებას არ აპირებს.