რუსეთის პრემიერ-მინისტრმა დიმიტრი მედვედევმა ხელი მოაწერა დადგენილებას, რომლის ძალითაც სახელმწიფო და მუნიციპალური საჭიროებებისთვის უცხოური წარმოების მანქანების და სხვა ტექნიკის შესყიდვა იკრძალება.
ამ გადაწყვეტილების მიღების საფუძველი იმპორტის რუსული პროდუქციით ჩანაცვლების იდეა გახდა.
,,საუბარია, უპირველეს ყოვლისა, სამშენებლო ტექნიკაზე, კომუნალურ, მინიციპალურ საინჟინრო და სხვა სახის სატრანსპორტო საშუალებებზე." - განმარტა რუსეთის ვიცე-პრემიერმა არკადი დვორკოვიჩმა.
მისი თქმით, ყველანაირი აკრძალული იმპორტირებული ტექნიკის რუსული ანალოგი არსებობს და ამით უნდა ისარგებლონ.
