მუსიკალური ფესტივალი ,,ახალი ტალღა" ლატვიის ქალაქ იურმალადან რუსეთის ქალაქ სოჭში გადაინაცვლებს.
ამის შესახებ ინფორმაცია კრასნოდარის მხარის გუბერნატორმა ალექსანდრ ტკაჩევმა დაადასტურა.
ტკაჩევის თქმით, სოჭის გარდა ფესტივალის ჩატარებაზე პრეტენზიას იალტა და კალინინგრადიც აცხადებდა, თუმცა საბოლოოდ უპირატესობა სოჭს მიანიჭეს.
ფესტივალის ორგანიზატორებმა ,,ახალი ტალღის" კონკურის ლატვიიდან რუსეთში გადატანა მას შემდეგ გადაწყვიტეს, რაც 2014 წლის ივლისში ლატვის ხელისუფლებამ თავის ქვეყანაში შესვლა აუკრძალა რუს მომღერლებს: ვალერიას, იოსებ კობზონს და ოლეგ გაზმანოვს.
ლატვიელთათვის მიუღებელი იყო უკრაინაში მიმდინარე მოვლენებთან დაკავშირებით მომღერლების პოზიცია, რის გამოც მათ მიმართ მკაცრი სანქციები გამოიტანეს.
მასალის გამოყენების პირობები