თბილისში ჩიქოვანის N#79-ში გაჩენილი ხანძრის შედეგად სოციალურად დაუცველი ოჯახი უსახლკაროდ დარჩა. როგორც ,,ჯი-ეიჩ-ენს" თბილისის საგანგებო სიტუაციების მართვის სამსახურში განუცხადეს ცეცხლი ორსართულიანი სახლის მეორე სართულზე გაჩნდა და შედეგად, დაახლოებით, 100 კვ.მ ფართი დაიწვა.
შემთხვევის შედეგად არავინ დაშავებულზე. ადგილზე 7 სახანძრო მანქანა იყო მობილიზებული. ამ დროისთვის ხანძარი უკვე ლიკვიდირებულია.
ხანძრის დროს ოჯახში დედა და მცირეწლოვანი ბავშვი იმყოფებოდნენ, რომლებმაც ბინიდან გამოსვლა დროულად მოახერხეს.
ჯერჯერობით, უცნობია ხანძრის გამომწვევი მიზეზი.