,,37 წელი მძიმე იყო, იყო მზიანი ღამე, მაგრამ იმედს, მზეს ვხედავდი და მადლობა უფალს ამ იმედისათვის", _ბრძანა უწმინდესმა და უნეტარესმა სრულიად საქართველოს კათოლიკოს-პატრიარქმა ილია მეორემ სვეტიცხოველში ქადაგებისას და ის პერიოდი გაიხსენა როცა მისი აღსაყდრება მოხდა.
,,1977 წლის 25 დეკემბერს, მე ვგრძნობდი, რომ ჩვენთან არს ღმერთი. მე ვგრძნობდი, ვხედავდი იმ გაჭირვებას, რომელშიდაც საქართველო იყო და ჩვენი ეკლესია. ამავე დროს, მე ვხედავდი, რომ ჩვენ ძალიან ახლოს ვიყავით ღმერთთან და ღმერთი იყო ჩვენთან ახლოს. ამიტომ ამ 37 წლის მანძილზე არასდროს სასოწარკვეთილება არ ყოფილა ჩემში", _ბრძანა უწმინდსმა.
შეგახსენებთ, რომ სვეტიცხოველში საზეიმო წირვა-ლოცვა ჩატარდა, რომელსაც პრემიერ-მინისტრი ირაკლი ღარიბაშვილი და მთავრობის წევრები დაესწრნენ.
დღეს, 25 დეკემბერს უწმიდესის და უნეტარესის, სრულიად საქართველოს კათოლიკოს-პატრიარქის ილია II-ის აღსაყდრების 37 წელი შესრულდა. სწორედ სვეტიცხოვლში მოხდა უწმინდესის ინტრონიზაცია და მას სახელად ილია მეორე ეწოდა.
დღესვე აღინიშნება სპირიდონ ტრიმიფუნტელის ხსენების დღეც.
მასალის გამოყენების პირობები