საქართველოს საგარეო საქმეთა მინისტრმა თამარ ბერუჩაშვილმა მიიღო საქართველოში ირანის საგანგებო და სრულუფლებიანი ელჩი ბატონი აბას თალები ფარი.
საქართველოს საგარეო უწყების ინფორმაციით, შეხვედრისას მხარეებმა განიხილეს საქართველოსა და ირანს შორის არსებული ორმხრივი ურთიერთობები და თანამშრომლობის შემდგომი განვითარების პერსპექტივები, ასევე რეგიონსა და მსოფლიოში არსებული გამოწვევები.
ხაზი გაესვა უკანასკნელ პერიოდში ორ ქვეყანას შორის თანამშრომლობის ინტენსიფიკაციას სავაჭრო-ეკონომიკურ, განათლების, კულტურისა და ხალხთაშორისი კავშირების კუთხით.
ირანის ელჩმა კიდევ ერთხელ დაადასტურა ირანის მტკიცე მხარდაჭერა საქართველოს სუვერენიტეტისა და ტერიტორიული მთლიანობის მიმართ.
