თბილისის საკრებულოს თანამდებობის პირება, შესაძლოა, ხელფასის გარდა ყოველთვიური დანამატიც მიიღონ. როგორც ,,რესპუბლიკელების" თავმჯდომარე ხათუნა სამნაძე სოციალურ ქსელში წერს ,,დღეს საკრებულოს ბიურომ საოქმო ჩანაწერით "რეკომენდაცია" მისცა საკრებულოს თავმჯდომარეს საკრებულოს თანამდებობის პირებზე თანამდებობრივი სარგოს პროპორციულად ყოველთვიური დანამატის გაცემის შესახებ.შეგახსენებთ, რომ არსებულმა საკრებულომ პირველსავე სხდომაზე ,,რესპუბლიკელების" ინიციატივით გააკეთა პოლიტიკური განცხადება, რომ თანამდებობის პირები და საკრებულოს რიგითი წევრები პრემიებს არ აიღებდნენ. საკრებულომ პირობა შეასრულა, პრემიებს არ იღებს, მაგრამ მიმართა სხვა საშუალებას თანამდებობის პირების შემოსავლის გაზრდისთვის. ,,რესპუბლიკელები" ვიყავით და ვართ კატეგორიული წინააღმდეგი თანამდებობის პირებისთვის პრემიის ან დანამატით ანაზღაურების გაზრდის", -აცხადებს სამნიძე.
მასალის გამოყენების პირობები
