.,,ნაცმოძრაობის" განმარტებით, განცხადება, რომელიც თავდაცვის სამინისტრომ გაავრცელა მომზადდა არა ძალოვან უწყებაში, არამედ მთავრობის ადმინსტრაციაში. როგორც პარტიის ოფისში გამართულ პრესკონფერენციაზე ,,ნაცმოძრაობის" წევრმა ზურაბ ჯაფარიძემ განამარტა მომხდართან დაკავშირებით სრული პასუხისმგებლობა ყოფილ და მოქმედ პრემიერს ბიძინა ივანიშვილა და ირაკლი ღარიბაშვილს ეკისრებათ.
,,ორი დღის წინ საზოგადოებამ იხილა უკრაინაში ქართველი სამხედროს გმირულად დაღუპვის თაობაზე თავდაცვის სამინისტროს ყოვლად უღირსი და ქვეყნის ინტერესებისთვის საზიანო განცხადება. თავდაცვის სამინისტროს შეურაცხყოფა მიაყენა ქართულ ჯარს, ქართულ სახელმწიფოს და ყველა იმ ქართველს ვინც დღეს უკრაინაში იბრძვის უკრანისა და საქართველოს თავისუფლებისთვის. გუშინ ასევე ვიხილეთ მთავრობისა და საპარლამენტო უმრავლესობის წარმომადგენლების აბსურდული და უტიფარი განცხადები იმასთან დაკავშირებით, რომ თავდაცვის სამინისტროს ეს განცხადება თურმე ტექნიკური შეცდომა იყო და განცხადების ერთადერთი შეცდომა მასში პოლიტიკური კონტექსტის არსებობა იყო. მათ შორის ვიხილეთ უღირსი მცდელობა სამინისტროს რიგით თანამშრომლებზე გადაბრალების. ერთადერთი ვის ინტერესშიც ასეთი განცხადების ნახვა იყო და ვინც ამ განცხადებას გამოიყენებს საქართველოს ინტერესების საწინააღმდეგოდ პუტინის რუსეთი. ჩვენ დანამდვილებით ვიცით, რომ ეს განცადება არ მომზადებულა თავადაცვის სამინისტროში მომზადდა მთავარობის კანცელარიაში და შემდეგ დაიდო თავდაცვის სამინისტროს ვებგვერდზე. Aაქედან გამომდინარე სრული პასუხისმგებლობა ეკისრება ივანიშვილს, შემდეგ ღარიბაშვილს", _განაცხადა ჯაფარიძემ.
მისივე განმარტებით, თუ თავდაცვის მინისტრი და მისი მოადგილეები თანამდებობას არ დატოვებენ ეს იქნება ღია დეკლარირება იმისა, რომ საქართველოს თავდაცვის, უშიშროებისა და დაზვერვის სამსახურებში მიმდინარეობს რუსული სპეცსამსახურების აქტიური პენეტრაცია ყოფილი და მოქმედი პრემიერის ხელმძღვანელობით.
