თავდაცვის სამინისტროს ყოფილი ხელმძღვანელები კატეგორიულად ვგმობთ ამ ჩვენთვის ძალიან ახლობელი უწყების 20 დეკემბრის განცხადებას უკრაინაში დაღუპული ალექსანდრე გრიგოლაშვილის შესახებ.
გვსურს გამოვხატოთ სამძიმარი ოჯახის მიმართ.
მიგვაჩნია, რომ აღნიშნული განცხადება:
- შეურაცხყოფს დაღუპულ გმირსა და მის პატრიოტულ იდეალებს.
- არის უკიდურესად საზიანო საქართველოს სახელმწიფოებრიობისა და ეროვნული ინტერესებისათვის.
- წარმოადგენს თავდაცვის სამინისტროს პოლიტიზაციის უაღრესად საშიშ მაგალითს.
- აკნინებს გმირობის, ვაჟკაცობის და სიმართლისათვის ბრძოლის მცდელობას, სადაც არ უნდა ხდებოდეს ეს - ქვეყნის შიგნით თუ გარეთ. ღირსეულმა სახელმწიფომ მტერთან ბრძოლაში ნებისმიერ ადგილას დაღუპული თავისი მეომრის ღირსება უნდა დააფასოს და დაიცვას.
- ლახავს ქართველ ჯარისკაცთა მუნდირის ღირსებას, იწვევს სამხედროების პროფესიის დისკრედიტაციასა და სახელმწიფოს დაცვის მოვალეობის ფუნდამენტური პრინციპის მთლიან დეგრადაციას.
მოვითხოვთ, რომ ამ სამარცხვინო განცხადებაზე სამინისტროს ხელმძღვანელობამ აიღოს პოლიტიკური პასუხისმგებლობა.
გელა ბეჟუაშვილი - თავდაცვის მინისტრის ყოფილი მინისტრი და მოადგილე
დავით სიხარულიძე - თავდაცვის მინისტრის ყოფილი მინისტრი და მოადგილე
ანდრო ბარნოვი - თავდაცვის მინისტრის ყოფილი მოადგილე
პაატა გაფრინდაშვილი - თავდაცვის მინისტრის ყოფილი მოადგილე
მიხეილ დარჩიაშვილი - თავდაცვის მინისტრის ყოფილი მოადგილე
ნიკა ვაშაკიძე - თავდაცვის მინისტრის ყოფილი მოადგილე
მამუკა კუდავა - თავდაცვის მინისტრის ყოფილი მოადგილე
გიორგი მუჩაიძე - თავდაცვის მინისტრის ყოფილი მოადგილე
გია ქათამაძე - თავდაცვის მინისტრის ყოფილი მოადგილე
ბათუ ქუთელია - თავდაცვის მინისტრის ყოფილი მოადგილე
ნოდარ ხარშილაძე - თავდაცვის მინისტრის ყოფილი მოადგილე
