გაფართოებისა და ევროპული სამეზობლო პოლიტიკის საკითხებში ევროკომისარი იოჰანეს ჰანი სპეციალურ ვიდეომიმართვას ავრცელებს და საქართველოს მოსახლეობას ულოცავს ევროპარლანეტში საქართველო-ევროკავშირის ხელშეკრულების რატიფიცირებას. როგორც ჰანი განმარტავს საქართველო ევროკავშირის აღმოსავლეთის პარტნიორობის ერთ-ერთი მოწინავე ქვეყანაა.
,,საქართველოს მოქალაქეებო, მოხარული ვარ, გაცნობოთ რომ დღეს ევროპარლამენტმა საქართველოსა და ევროკავშირს შორის ასოცირების შესახებ ხელშეკრულების რატიფიცირება მოახდინა. საქართველო ევროკავშირის აღმოსავლეთის პარტნიორობის ერთ-ერთი მოწინავე ქვეყანაა. Aასოცირების ხელშეკრუელბა საქართველოს ევროპული მისწრაფებების შედეგია, ეს თქვენი ევროპული არჩევანია. ევროკავშირის ინტერესისაა ხელი შეუწყოს დემოკრატიული, წარმატებული, სტაბილური ქვეყნის მშენებლობას რეგიონში, რომელსაც უდიდესი სტრატეგიული მნიშვნელობა აქვს. ასოცირების ხელშეკრულების შეთანხმების იმპლემენტაციით საქართველო გარდაიქმნება და ამით ეჭვი არ მეპარება სარგებელს პირველი თქვენ, საქართველოს მოქალაქეები იგრძნობთ", _აცხადებს ვიდეომიმართვაში იოჰანეს ჰანი .
მისივე განმარტებით, აღნიშნული შეთანხმებით საქართველო კიდევ უფრო დაუახლოვდება ევროკავშირს, გააღრმავებს მასთან პოლიტიკურ და ეკონომიკურ კავშირს. როგორც ევროკომისარი აცხადებს, საქართველომ უნდა გააგრძელოს რეფორმები სასამართლო სისტემაში და კანონის უზენაესობის უზრუნველსაყოფად.
