შერიგებისა და სამოქალაქო თანასწორობის საკითხებში სახელმწიფო მინისტრის პირველი მოადგილე ქეთევან ციხელაშვილი ჟენევის მოლპარაკებების 30-ე რაუნდდზე ოკუპირებულ ტერიტორიებზე გადაადგილების საკითხს დაყენებს.
იგი არ გამორიცხავს, რომ რუსეთსა და საოკუპაციო რეჟიმს შორის გაფორმებული ე.წ. ხელშეკრულება ოკუპირებულ ტერიტორიაზე გადაადგილებას გაართულებს.
„მე ვაპირებ, მეორე ჯგუფის ფარგლებში, აუცილებლად დავაყენო ის პრობლემები, რომელიც ეხება გადაადგილების თავისუფლებას. ვფიქრობ, ე.წ. შეთანხმებიდან გამომდინარე, კიდევ ახალი დამატებითი ბარიერების გაჩენის საფრთხე არსებობს", - განაცხადა ქეთევან ციხელაშვილმა.
შეგახსენებთ, რომ ჟენევის მოლპარაკებების 30-ე რაუნდი დაიწყო. ქართული მხარე ორი მთავარი საკითხის დაყენებას გეგმავს - ერთი, ესაა რუსეთმა აიღოს ვალდებულება ძალის არ გამოყენებაზე და ასევე, ამუშავდეს უსაფრთხოების საერთაშორისო მექანიზმები.მოლაპარაკებები ორი სამუშაო ჯგუფის ფორმატში გაიმართება. პირველი, ეს არის უსაფრთხოების საკითხებზე მომუშავე ჯგუფი, მეორე კი ჰუმანიტარულ საკითხებზე.
მასალის გამოყენების პირობები
