ყოფილი დიპლომატის ეროსი კიწმარიშვილის საქმის გამოძიებასთან დაკავშირებით თბილისის პროკურორის განცხადებას მისი ძმა ზურაბ კიწმარიშვილი ეხმიანება.
მისი განმარტებით, ოჯახსა და პროკურატურას შორის შეთანხმების მიხედვით საქმის დეტალებზე საჯაროდ საუბარი არ უნდა ყოფილიყო.
კიწმარიშვილის თქმით, პროკურორ მიხეილ შაყულაშვილის განცხადება, რომ კიწმარიშვილის გარდაცვალების საქმეზე საგამოძიებო მასალები უახლოეს მომავალში გასაჯაროვდება მისთვისაც მოულოდნელი იყო.
,, ვფიქრობდით, რომ იყო ბევრი საყურადღებო დეტალი რომელიც გამოძიებას უნდა შეესწავლა. თუკი ისინი თვლიან რომ გამოძიება დასრულებულია და კი ბატონო წარმოადგინოს ამის დასკვნა", _აცხადებს ზურაბ კიწმარიშვილი.
შეგახსენებთ, თბილისის პროკურორის მიხეილ შაყულაშვილის განცხადებით, საქმის ძიება უახლოეს პერიოდში დასრულდება და აუცილებლად გასაჯაროვდება ყველა დეტალი, რაც გამოძიების დროს გახდა ცნობილი.
კიწმარიშვილის საქმესთან დაკავშირებით გამოძიება სსკ 115-ე მუხლით მიმდინარეობს, რაც თვითმკვლელობამდე მიყვანას გულისხმობს. გამოძიებისგან განსხვავებული ვერსია აქვს კიწმარიშვილის ოჯახს.
