დღეს, 9 დეკემბერს ,,ეროვნულ-დემოკრატიული ინსტიტუტი" (NDI) უმასპინძლებს კონფერენციას „გავიმარჯვოთ ქალებთან ერთად".როგორც ,,ჯი-ეიჩ-ენს" ორგანიზაციიდან აცნობეს ღონისძიების მიზანი საქართველოში ქალთა პოლიტიკური მონაწილეობის შესახებ დისკუსიის გაგრძელებაა.
კონფერენცია 10:00-დან 16:00 საათამდე სასტუმროში "რედისონ ბლუ ივერიაში" გაიმართება პრეზიდენტი გიორგი მარგველაშვილი, პარლამენტის ვიცე-სპიკერი მანანა კობახიძე, იუსტიციის მინისტრი თეა წულუკიანი და საქართველოში შვედეთის სამეფოს ელჩი მარტინა ქუიქი კონფერენციის მონაწილეებს მისასალმებელი სიტყვით მიმართავენ.
2010 წლის აპრილში 11 პოლიტიკურმა პარტიამ ხელი მოაწერა NDI-ის გლობალურ სამოქმედო გეგმას „გავიმარჯვოთ ქალებთან ერთად: გავაძლიეროთ პოლიტიკური პარტიები".
აღნიშნული გეგმის ფარგლებში პარტიებმა აიღეს ვალდებულება, იმუშავონ იმ ბარიერების აღმოსაფხვრელად, რომელიც ქალთა პოლიტიკურ მონაწილეობას უშლის ხელს.
კონფერენციაზე ხელმომწერი პოლიტიკური პარტიები წარადგენენ საკუთარ ხედვას, თუ როგორ აპირებენ უზრუნველყონ ქალების თანაბარი წარმომადგენლობა პარტიის სტრუქტურებში და სტუმრებს გააცნობენ სამოქმედო გეგმის ფარგლებში აღებული ვალდებულებების შესრულების ანგარიშს.
