პარლამენტის თავდაცვისა და უსაფრთხოების კომკიტეტის თავმჯდომარე ირაკლი სესიაშვილი მიიჩნევს, რომ სამთავრობო გუნდში განხორციელებული ცვლილებები არის ცოცხალოი საკადრო პროცესი, რომელიც სამინისტროებისა და დეპარტამენტების უკეთ მუშაობისკენ არის მიმართული.
"ეს არის ცოცხალი საკადრო პროცესი, განსაკუთრებული არაფერია. მიდიან მინისტრის მოადგილეები, დეპარტამენტის ხელმძღვანელები, ინიშნებიან ახლები - ეს ჩვეულებრივი პროცესია, რაც მიმათთულია იმისკენ, რომ უკეთ იმუშაონ სამინისტროებმა და დეპარტამენტებმა. განსაკუთრებით მივესალები სახელმწიფო უსაფრთხოების და კრიზისების მართვის საბჭოს მდივნის თანამდებობაზე, დავით სუჯაშვილის დანიშვნას, ვინაიდან, მიმაჩნია, რომ ის არის ერთ-ერთი გამორჩეული კადრი უსაფრთხოების სექტორში" - განაცხადა სესიაშვილმა.
შეგახსენებთ, დავით სუჯაშვილი სახელმწიფო უსაფრთხოების და კრიზისების მართვის საბჭოს მდივნის თანამდებობის დაკავებამდე, საქართველოს შინაგან საქმეთა სამინისტროს, საინფორმაციო-ანალიტიკური დეპარტამენტის დირექტორად მუშაობდა.
კიდევ ერთი ცვლილების თანახმად, ეკონომიკური საბჭოს მდივნის პოსტს ბიზნესომბუდსმენი გიორგი გახარია ჩაიბარებს.
დღეს ასევე, ზვიად ჯანყარაშვილმა ,,ქართული ოცნება- დემოკრატიული საქართველოს' აღმასრულებელ მდივნის თანამდებობა დატოვა.
