,,ჩვენთან იყო ხანგრძლივი პოლიტიკური დაპირისპირება სააკაშვილთან და ,,ნაციონალურ მოძრაობასთან". იყო ბევრი ოპოზიციური ძალა და ლიდერი, რომელიც მას უპირისპირდებოდა მისი პოლიტიკის გამო. ისინი ყველა ძალისხმევაში მონაწილეობდნენ რაც სააკაშვილის წინააღმდეგ იყო მიმართული, თუმცა ეს ძალისხმევა სუსტი იყო. შემდეგ გამოჩნდა კაცი, რომელმაც ყველა ეს ჯგუფი ერთიან ფრონტად ჩამოაყალიბა და ჩატარდა სამართლიანი არჩევნები, რაც ნამდვილად დემოკრატიული იყო. ამას მოჰყვა ჩვენი უპირატესობა და ერთი წლის წინ მან დატოვა თანამდებობა და დაიწყო მოქმედება როგორც კერძო პირმა. ეს არის ძალიან კარგი პროცესი არა მარტო საქართველოსთვის. მის ჩართულობას და შეფასებას დიდი გავლენა აქვს. როგორ შეიძლება ჩამოვართვათ მოქალაქეს საშუალება რომელსაც ცუდი არაფერი გაუკეთებია, თუნდაც ერთი სიტყვა თქვას პოლიტიკაზე. გამოსავალი არის ის რომ, ივანიშვილმა უფრო ღიად ილაპარაკოს და თქვას, რომ მას რეალურად აქვს გავლენა პოლიტიკაზე და არ უარყოს, რომ ის არ არის ჩართული ამ პროცესში", - აღნიშნა მარგველაშვილმა, რომლის შესახებ თარგმანი ტელეკომპანია "რუსთავი- 2"-მა გაავრცელა.