რუსეთის გამოუცხადებელი ომი უკრაინის წინააღმდეგ ყირიმის ანექსიით არ დაწყებულა. პრეცედენტი შეიქმნა ჯერ კიდევ ექვსი წლის წინათ, რუსეთ-საქართველოს ხუთდღიანი ომის დროს, რომლის შედეგად რუსეთმა სამხრეთ ოსეთისა და აფხაზეთის ოკუპირება მოახდინა, - ნათქვამია ბრიტანული გამოცემა The Economistის სარედაქციო სტატიაში.
გამოცემა აღნიშნავს, რომ დასავლელ ლიდერებს მოსკოვთან ღიად, დაპირისპირება არ სურდათ და ამიტომაც ბრალდების მთელი სიმძიმე საქართველოს პრეზიდენტს მიხეილ სააკაშვილს დააკისრეს.
გამოცემა აღნიშნავს, რომ სწორედ საქართველოსთან ომის შემდეგ დაიწყო რუსეთის პრეზიდენტმა ვლადიმერ პუტინმა ყირიმზე საუბარი.
„ერთი შეხედვით რუსეთ-საქართველოს ურთიერთობა მას შემდეგ საკმაოდ გაუმჯობესდა: ავიამიმოსვლა აღდგა, ქართული პროდუქციით - ღვინო, მინერალური წყალი, ხილ-ბოსტნეული - ვაჭრობა განახლდა და განუხრელად ფართოვდება, მაგრამ დღეს საქართველო კვლავ საფრთხის ქვეშაა და დაუცველია ისე, როგორც არასდროს. უკრაინის შემდეგ, რომელიც რუსეთის ზეწოლით და საკუთარი შეცდომების გამო ინგრევა, საქართველო კრემლის მორიგი სამიზე იქნება.
