,,ნაცმოძრაობის" წევრი ზურაბ ჯაფარიძე მიიჩნევს, რომ იმ ფონზე როცა ყოველდღიურად ეროვნული ვალუტა უფასურდება აუცილებელია ეკონომიკური გუნდის მინისტრების პასუხისმგებლობა დადგეს.
,,ლარი დღითი-დღე უფასურდება, უკვე აცდა 1,9 ნიშნულს. Aამის შედეგად, პირველ რიგში, ზარალდებიან სოციალურად გაჭირვებული ადამიანები, მათ შორის, პენსიონერები, რომელთაც აქვთ ყოველთვიური ფიქსირებული შემოსავალი, ასევე ზარალდებიან საქართველოს მოსახლეობის ის ნაწილი, რომელთაც ბანკიდან კრედიტი აქვთ დოლარში გამოტანილი, მათ ყოველთვიურად უწევთ ბანკისთვის გაცილებით მეტის გადახდა ვიდრე აქამდე უწევდათ და ვზარალდებით თითოეული მოქალაქე ვინც შევიძენთ სურსათს, ან მედიკამენტს, რადგან ეს არის იმპორტირებული პროდუქციაა. იმისთვის, რომ დღეს გადავარჩინოთ ლარი მნიშვნელოვანია რამდენიმე ნაბიჯის გადადგმა, პირველ რიგში, უნდა დადგეს ეკონომიკური ბლოკის როგორც ფინანსთა, ასევე ეკნომიკის მინისტრის პასუხისმგებლობის საკითხი, მეორე_ქვეყანამ უნდა დახარჯოს გახარჯოს სავალუტო რეზერვები იმისთვის, რომ შემცირდეს ლარის გაუფასურების ტემპი", _განაცხადა ზურაბ ჯაფარიძემ და აღნიშნა, რომ ასევე მთავრობამ უნდა მნიშვნელოვნად შეამციროს ხარჯები..