შერიგებისა და სამოქალაქო თანასწორობის საკითხებში საქართველოს სახელმწიფო მინისტრი, პაატა ზაქარეიშვილი აცხადებს, რომ ერგნეთის ბაზრობის აღდგენაზე მოლაპარაკებები არ მიმდინარეობს. თუმცა როგორც მთავრობის სხდომის შემდეგ ზაქარეიშვილმა განაცხადა საუბარია ერგნეთის ტიპის ბაზრობის გახსნაზე.
,,ერგნეთის გზა საქართველოს ტერიტორიაა. ბუნებრივია, ეს ჩვენს ინტერესებშია, მაგრამ ამაზე მოლაპარაკებები არ მიმდინარეობს. ეს არის მხოლოდ ჭორის დონეზე. ჩვენ ვმუშაობთ ჯერჯერობით სამეგრელოს, კერძოდ, გალის და ზუგდიდის რაიონის მიმართულებით. იმის მიხედვით, თუ როგორ დასრულდება იქ მუშაობა, მერე ბუნებრივია, ცხინვალის მიმართულებითაც გაგრძელდება ეს სამუშაოები", - განაცხადა სახელმწიფო მინისტრმა.
მასალის გამოყენების პირობები
