ევროპის საბჭოს საპარლამენტო ასამბლეის პრეზიდენტმა ანბრასორმა კიდევ ერთხელ დაადასტურა საქართველოს ტერიტორიული მთლიანობისა და სუვერენიტეტისადმი მხარდაჭერა.
„მსურს, დაგიდასტუროთ, რომ ევროპის საბჭოს საპარლამენტო ასამბლეის პოზიცია უცვლელია და მხარს უჭერს საქართველოს სუვერენიტეტსა და ტერიტორიულ მთლიანობას და ამ საკითხის მიმართ ჩვენი დამოკიდებულება კიდევერთხელ დავადასტურეთ საქართველოს შესახებ მონიტორინგის კომიტეტის თანამომხსენებლების ბოლო განცხადებაში. აღნიშნული თანამომხსენებლები მაიკლ აასტრუპ იენსენი და ბორის სილევიჩი მიმდინარე წლის 3-5 დეკემბერს ეწვევიან საქართველოს და ვიმედოვნებთ, რომ ისინი უფრო დეტალურად განიხილავენ ამ და სხვა კრიტიკულ საკითხებს. კიდევ ერთხელ ვადასტურებ, რომ პირადად მე და ევროპის საბჭოს საპარლამენტო ასამბლეა უდიდესი ყურადღებით გააგრძელებს თვალყურის დევნებას საქართველოს ტერიტორიული მთლიანობის საფრთხეების მიმართ" - აღნიშნაანბრასორმა.
შეგახსენებთ, რომ საქართველოს პარლამენტის საგარეო უთიერთობათა კომიტეტის თავმჯდომარე თედო ჯაფარიძემ 25 ნოემბერს, ქ. სტრასბურგში შეხვედრა გამართა ევროპის საბჭოს საპარლამენტო ასამბლეის პრეზიდენტთან. შეხვედრაზე მხარეებმა განიხილეს საქართველოში უკანასკნელ პერიოდში განვითარებული მოვლენები და რუსეთ-საქართველოს ურთიერთობები. შეხვედრებზე ყურადღება დაეთმო აფხაზეთსა და რუსეთს შორის "მოკავშირეობისა და სტრატეგიული პარტნიორიობის" შესახებ გაფორმებულ ე.წ. შეთანხმებას. მხარეებმა აღნიშნეს, რომ ამ შეთანხმების გაფორმება არ შეუწყობს ხელს საქართველოში ვითარების მშვიდობიან და გრელვადიან მოგვარებას. პირიქით, ეს არღვევს საქართველოს სუვერენიტეტსა და ტერიტორიულ მთლიანობას და უხეშად ეწინააღმდეგება საერთაშორისო სამართლის ნორმებს, ეუთო-სპრინციპებსა და რუსეთის საერთაშორისო ვალდებულებებს.
