პარლამენტის თავმჯდმარე დავით უსფაშვილის განცხადებით ქვეყანას სჭირდება ძლიერი სპეცსამსახურები, მაგრამ არა პოლიტიკური გადაწყვეტილებების მისაღებად, არამედ კვალიფიციური ანალიზის და ინფორმაციის მოსაწოდებლად.
,,ჩვენ გვჭირდება ძალიან ძლიერი სპეცსამსახურები, მაგრამ სპეცსამსახურები გვჭირდება არა პოლიტიკური გადაწყვეტილებების მისაღებად, რომელსაც გვაცნობებენ ჩვენ რა უნდა შევასრულოთ, არამედ ჩვენი პოლიტიკური გადაწყვეტილებების მისაღებად კვალიფიციური ანალიზის და ინფორმაციის მოსაწოდებლად. მე მქონია შემთხვევა, როდესაც მიღებული პოლიტიკური გადაწყვეტილება უცნობებიათ აქ, არ მქონია შემთვევა, როდესაც პოლიტიკური გადაწყვეტილებების მისაღებად კვალიფციური ფაქტობრივი და ანალიტიკური მასალა მიგვიღია. არადა ჩვენ ვართ ის ხალხი, ვინც პოლიტიკური გადაწყვეტილებებს ვიღებთ. თუ გვინდა დემოკრატიული სახელმწიფო, თუ არ გვინდა, რომ ისევ დაგვიცდეს ფეხი, იმ მოლიპულ ბილიკზე, რომელზეც უნდა გავიაროთ, თუ არ გვინდა, რომ ამათ დღეში აღმოვჩნდეთ ოდესმე, ნელ-ნელა, შეუმჩნევლად, სწორ გზაზე უნდა დავაყენოთ ეს სისტემა", - განაცხადა უსუფაშვილმა პლენარულ სესიაზე გამოვლისას.