,,მე გთავაზობთ ფუნდამენტურად მივხედოთ არა მხოლო შსს, რამედ პროკურატურის საკითხს", _განაცახდა პარლამენტის თავმჯდომარე დავით უსუფაშვილმა პელენარულ სესიაზე და პროკურატურის სტრუქტურაში არსებულ ხარვეზებზე ისაუბრა.
,,ჩვენ ერთ-ერთი ბოლო მნიშვნელოვანი საკითხის განხილვის დროს, თავდაცვის სამინისტროს მაღალჩინოსნების საქმეს რომ ეხებოდა, მე მგონი ერთად აღმოვაღინეთ ძალიან ბევრმა ვინც აქ ვსხედვართ, რომ იუსტიციის მინისტრი, რომელსაც ვითომდა ეს უწყება რაღაცნაირად ფორმალურად, ორგანიზაციულად ექვემდებარება, ყველაფერზე ინფორმირებული ყველაზე გვიან აღმოჩნდა. მოდი ვაღიაროთ, რომ ჩვენ რაღაცები შეგვეშალა ამ თვალსაზრისით. იქ ადეიშვილზე შეშინებულებმა, რომ იუსტიციის მინისტრი არასწორად მართავდა პროკურატურას და იმან დააქცია ძალიან ბევრი რამ, აქეთ პრაქტიკულად გავწყვიტეთ ხაზი მინისტრსა და პროკურატურის უწყებას შორის და მივიღეთ სერიოზული პრობლემები. ვის უნდა მოვკითხოთ პოლიტიკურად, რა ხდება ამ უწყებაში, როგორ მიდის საქმე არა კონკრეტულად ვინ დაიჭირეს და ვინ გაუშვეს, არამედ საერთოდ რა ხდება აღარ დარჩა. სამაგიეროდ დარჩა სხვა რამ და მე მინდა, თქვენთან ერთად მოვიკითხო და გავარკვიო, რა ხდება. როგორ ხდება რომ საქართველოს სასამართლო იღებს განჩინებას, რომელშიც წერს, რომ უგულავას საქმის განხილვა უნდა გადაიდოს რატომ იცით?_ იმიტომ, რომ პარლამენტის წევრთა ერთი ნაწილი ამ შემთხვევაში ოპოზიციიდან წარმოდგენილები მათი დაკითხვაა საჭირო, მათ იცავთ იმუნიტეტი, ვერ ხერხდება მათი დაკითხვა და აჯმერად მიმდინარეობს დიალოგი პარლამნეტში ხსენებული პირების საგამოძიებო ორგანოში დაბარების მიზნით დაკითხვის თაობაზე, რაც გონივბრულ დროს მოითხოვს და ვერ ხერხდება. მითხრით აგერ ხართ პარლამენტი ვისთან მიდის ეს აქტიური დიალოგი. არავისთან. ვიღაც გონიერმა პროკურორმა მოძებნა საბაბი, რომ საქმის გასაგრძელებლად საფუძველი შეიქმნას. და რა ხდება მერე? მერე ჩვენი პატივცემული კოლეგა, ბატონი გიორგი კანდელაკი ამ ფრაზას თარგმნის მსოფლიოს ყველა ცოცხალ და არაცოცხალ ენაზე და აგზავნის ყველგან. ჩავდივართ მერე და ვდგავართ იქ პირდაღებულები, როცა გვეუბნებიან, რომ რა დიალოგი მიდის ბატონო პარლამენტის თავმჯდომარევ თქვენთან მათი დაკითხვის, თუ ნებართვის გაცემის თაობაზე. აქტიურ პოლიტიკურ დიალოგშია თურმე პროკურორი შემოსული ჩვენთან. მერე ვლაპარაკობთ - არა ბატონო, რა პოლიტიზირება, რის პოლიტიზირება, რა ჩემი საქმეა, ვის დაკითხავენ, ვის წაიყვანენ. მაფარებენ თვალზე სასამართლოს გადაწყვეტილებაში ჩაწერილ ფრაზას, რომელიც მოსამართლეს არ დასიზმრებია, რომელიც პროკურორმა მიუტანა იქ, როგორც რაღაციდან გამოსავალი. აქედან გამომდინარე, კითხვა მაქვს- რა ხდება, ვინ ამარაგებს ბატონ კანდელაკს მისთვის სასურველი ფრაზეოლოგიით, ჩანაწერებით და გამოსვლებით, ეს უნდა გავარკვიოთ",-აღნიშნა პარლამენტის თავმჯდომარემ.
