ფრაქცია "რესპუბლიკელებმა" ბიუროს სხდომაზე, "გასაღების" შესახებ, ბესელია - ფოფხაძე - სესიაშვილის მიერ მომზადებულ კანონპროექტის ალტერნატიული ვარიანტის დაყენების უფლება მოითხოვეს. წინადადებას სხდომაზე დებატები მოჰყვა.
"რესპუბლიკელებს" პარლამენტის საპროცედურო საკითხთა და წესების კომიტეტის თავმჯდომარემ გიორგი კახიანმა უპასუხა და განმარტა, რომ პარლამენტი 1-ელ დეკემბრამდე ალტერნატიული წინადადების განხილვას ვერ მოასწრებს.
ფარული მიყურადების "გასაღების" შესახებ, ბესელია - ფოფხაძე - სესიაშვილის მიერ მომზადებულ კანონპროექტს საკანონმდებლო ორგანოში დღეს მეორე მოსმენით განიხილავენ.
დეპუტატები შეთავაზებულ წინადადებას, რომელსაც უმრავლესობამ გუშინდელ სესიაზე პირველი მოსმენით მხარი დაუჭირა, დღეს მუხლობრივად განიხილავენ.
სავარაუდოდ, კანონპროექტს დღესვე მესამე მოსმენითაც დაამტკიცებენ.
შეგახსენებთ, პარლამენტმა "გასაღების" შესახებ კანონპროექტი 1-ელ დეკემბრამდე უნდა დაამტკიცოს, ამის შემდეგ იგი პრეზიდენტს ხელმოსაწერად გადაეგზავნება.
