ფარული მიყურადების "გასაღების" შესახებ, ბესელია - ფოფხაძე - სესიაშვილის მიერ მომზადებულ კანონპროექტს საკანონმდებლო ორგანოში დღეს მეორე მოსმენით განიხილავენ.
დეპუტატები შეთავაზებულ წინადადებას, რომელსაც უმრავლესობამ გუშინდელ სესიაზე პირველი მოსმენით მხარი დაუჭირა, დღეს მუხლობრივად განიხილავენ.
სავარაუდოდ, კანონპროექტს დღესვე მესამე მოსმენითაც დაამტკიცებენ.
გუშინ, "გასაღების" შესახებ პარლამენტში წარდგენილ ორ კანონპროექტს დეპუტატები მთელი დღის განმავლობაში განიხილავდნენ.
განხილვების შემდეგ, კენჭისყრაზე პარლამენტმა ბესელია - ფოფხაძე - სესიაშვილის საკანონმდებლო პაკეტი 75 ხმით მიიღო, წინააღმდეგ კი ხმა 58-მა დეპუტატმა მისცა.
რაც შეეხება, მეორე, პარლამენტის იურიდიულ საკითხთა კომიტეტის თავმჯდომარე ვახტანგ ხმალაძის კანონპროექტს, ის კენჭისყრაზე 61 ხმა 71-ის წინაააღმდეგ, ჩავარდა.
შეგახსენებთ,ბესელია - ფოფხაძე - სესიაშვილის საკანონმდებლო პაკეტის მიხევით, პერსონალურ ინფორმაციაზე წვდომა პერსონალური მონაცემების დაცვის ინსპექტორს და შსს-ს ექნება, თუმცა მოსმენის ნებართვას ორივე შემთხვევაში სასამართლო გასცემს.
პარლამენტის იურიდიულ საკითხთა კომიტეტის თავმჯდომარე ვახტანგ ხმალაძის პროექტის თანახმად, კი, პერსონალურ მონაცემებზე წვდომა კომუნიკაციების ეროვნულ კომისიას უნდა ჰქონდეს.
