ფარული მიყურადების "გასაღების" შესახებ, ბესელია - ფოფხაძე - სესიაშვილის კანონპროექტის განხილვის შემდეგ, საკანონმდებლო ორგანოში პარლამენტის იურიდიულ საკითხთა კომიტეტის თავმჯდომარე ვახტანგ ხმალაძის პროექტის განხილვა დაიწყო.
ხმალაძე დეპუტატებს მის მიერ წარმოდგენილი კანონპროექტის შინაარსს აცნობს.
"გასაღების" შესახებ კანონპროექტების განხილვა საკანონმდებლო ორგანოში,11:00 საათიდან შესვენების გარეშე, დებატებისა და დაპირისპირებების ფონზე მიმდინარეობს.
დეპუტატთა ნაწილი არ გამორიცხავს, რომ პარლამენტმა განხილვების ორივე კანონპროექტი დაამტკიცოს. როგორც იურიდიულ საკითხთა კომიტეტის თავმჯდომარე განმარტავს, ეს ის შემთხვევაში მოხდება, თუ წარდგენილი ორივე კანონპროექტი დამსწრეთა ნახევარზე მეტის მხარდაჭერას მიიღებს.
ამ შემთხვევაში, საბოლოო გადაწყვეტრილება პრეზიდენტმა უნდა მიიღოს, თუ რომელ კანონპროექტს მოაწერს ხელს. თუ პრეზიდენტმა ორივე წარდგენილ კანონპროექტს მოაწერა ხელი, მაშინ ის პროექტი ამოქმედდება, რომელსაც პარლამენტი, რიგითობის მიხედვით, ბოლოს დაამტიცებს.
