ევროპულ და ევროატლანტიკურ სტრუქტურებში ინტერგაციის საკითხებში სახელმწიფო მინისტრმა დავით ბაქრაძემ საქართველოში საბერძნეთის რესპუბლიკის ელჩთან, ელეფთერიოს პროიოსისთან გაცნობითი შეხვედრა გამართა. საბერძნეთის ელჩმა დავით ბაქრაძეს სახელმწიფო მინისტრად დანიშვნა მიულოცა და მომავალ საქმიანობაში წარმატება უსურვა.
შეხვედრაზე მხარეებმა განიხილეს საქართველო-საბერძნეთს შორის არსებული თანამშრომლობის ფორმატები და ხაზი გაუსვეს ორ ქვეყანას შორის ორმხრივ ურთიერთობების შემდგომი გაღრმავების მნიშვნელობას.როგორც ,,ჯი-ეიჩ-ენს" სახელმწიფო მინისტრის აპარატიდან აცნობეს შეხვედრაზე, ასევე, ისაუბრეს ნატოში გაწევრიანების გზაზე საქართველოს მიერ მიღწეულ პროგრესზე, არსებით ღონისძიებათა პაკეტის განხორციელების პროცესში პარტნიორი სახელმწიფოების, კერძოდ, საბერძნეთის ჩართულობაზე, თანამშრომლობის არსებული ფორმატების ეფექტიანდ გამოყენებაზე. ხაზი გაესვა გაწევრიანების პროცესში საბერძნეთის მხარდაჭერის მნიშვნელობას.
