პრემიერ-მინისტრი ირაკლი ღარიბაშვილი შსს საპატრულო დეპარტამენტში ბოლო ორი წლის განმავლობაში გატარებულ რეფორმებს შთამბეჭდავს უწოდებს და აცხადებს, რომ დღეს მოქალაქეს აღარ აქვს განცდა, რომ პოლიციელი მას ებრძვის.
,,რეფორმები, მიღწევები რომელიც ბოლო ორი წლის განმავლობაში განხორციელდა განსაკუთრებით შთამბეჭდავია. ჩვენ ამ მეტად მოკლე დროში რადიკალურად შევცვალეთ მიდგომები მოქალაქეების მიმართ და თითოეული პოლიციელი დავაბრუნეთ ქვეყნის სამსახურში. დღეს მოქალაქეს აღარ აქვს განცდა იმისა, რომ პოლიციელი მას ებრძვის. დღეს მოქალაქეს აქვს პოლიციელის იმედი და ეს არის თქვენი დამსახურება. დღეს საქართველო ამაყობს თქვენით და ჩვენ გვაქვს თქვენი იმედი", _განაცხადა პრემიერმა საპატრულო დეპარტამენტის ათი წლის იუბილესთან დაკავშირებით მიძღვნილ ღონისძიებაზე სიტყვით გამოსვლისას.
