უნგრეთის პარლამენტმა ევროკავშირს საქართველოს, უკრაინისა და მოლდოვას შორის ასოცირების შესახებ შეთანხმებების რატიფიკაცია მოახდინა.
საქართველოს ევროკავშირთან ასოცირების შეთანხმების რატიფიკაციას მხარი დაუჭირა 127-მა დეპუტატმა. რატიფიცირება ძალაში მომავალ კვირას შევა, როდესაც უნგრეთის პრეზიდენტი შესაბამის ბრძანებულებას მოაწერს ხელს.
შეგახსენებთ, რომ საქართველომ ევროკავშირთან ასოცირების ხელშეკრულებას ხელი 27 ივნისს მოაწერა.
ხელშეკრულებას ევროკავშირის მხრიდან ხელი ევროკომისიის პრეზიდენტმა ჟოზე მანუელ ბაროზომ და ევროკავშირის საბჭოს პრეზიდენტმა ჰერმან ვან რომპეიმ მოაწერეს.
ხოლო საქართველოს მხრიდან კი პრემიერ-მინისტრმა ირაკლი ღარიბაშვილმა.
პროცედურის მიხედვით, ევროკავშირთან საქართველოს ასოცირების ხელშეკრულების რატიფიცირება ევროკავშირის 28 სახელმწიფომ უნდა მოახდინოს.
ასოცირების შესახებ შეთანხმება 1000-მდე გვერდს მოიცავს და ითვალისწინებს საქართველოს კანონმდებლობის დაახლოებას ევროკავშირის 300-მდე სამართლებრივ აქტთან.
