ლატვიის რესპუბლიკის ოფიციალური დელეგაცია პრეზიდენტ ანდრეს ბერზინშის ხელმძღვანელობით საქართველოს პარლამენტის თავმჯდომარეს შეხვდა. როგორც ,,ჯი-ეიჩ-ენს" საკანონმდებლო ორგანოდან აცნობეს დელეგაციაში პრეზიდენტის გარდა შედიოდნენ ლატვიის პარლამენტის ვიცე-სპიკერი, კულტურის მინისტრი, განათლების და მეცნიერების მინისტრი, პრეზიდენტის კანცელარიის ხელმძღვანელი და პრეზიდენტის მრჩეველი საგარეო ურთიერთობების საკითხებში.
შეხვედრაზე განიხილეს ორ ქვეყანას შორის არსებული პოლიტიკური, ეკონომიკური და კულტურული ურთიერთობები. საუბარი შეეხო საქართველოს ევროინტეგრაციის პროცესს, რეგიონალური უსაფრთხოების თემებს, საქართველოს ოკუპირებული ტერიტორიებს და რუსეთ-აფხაზეთს შორის დადებულ ე.წ. მეკავშირეობისა და ინტეგრაციის შესახებ ხელშეკრულებას.
საქართველოს პარლამენტის თავმჯდომარის განცხადებით „ასეთი ვიზიტები ყველას
ამცნობს, რომ საქართველოს ყავს მეგობრები, რომლებიც იზიარებენ ჩვენს ღირებულებებს და გაგვაჩნია საერთო მიზნები". ჩვენ გვჭირდება მჭიდრო ორმხრივი თანამშრომლობა ყველა სფეროში, ამიტომაც ლატვიის მინისტრთა კაბინეტის წევრების დელეგაციის შემადგენლობაში ყოფნა მაქსიმალურად ეფექტურად უნდა გამოვიყენოთ".
მხარეები შეთანხმდენენ, რომ რეგიონში არსებული გამოწვევების ფონზე, აუცილებელია ორმხრივი ურთიერთობების კიდევ უფრო გაღრმავება და ინტენსიური კომუნიკაციის შენარჩუნება საქართველოსა და ლატვიის ხელისუფლებების სხვადასხვა შტოებს შორის.
„ჩვენ გვჭირდება ერთიანი მოქმედება. ერთად ჩვენ მეტს მივაღწევთ" - განაცხადა ლატვიის პრეზიდენტმა.
შეხვედრის დასასრულს მხარეებმა ერთმანეთს მადლობა გადაუხადეს მხარდაჭერისა და თანამშრომლობისთვის.
