პარლამენტის იურიდიულ საკითხთა კომიტეტის თავმჯდომარე ვახტანგ ხმალაძე აცახდებს, რომ თუ უმრავლესობის კანონპროექტის მიმართ, იურიდიულ საკითხთა კომიტეტზე გამოთქმული შენიშვნები სრულად იქნება გათვალისწინებული, მისი პროექტი აზრს კარგავს და შესაბამისად, საკუთარ ინიციატივას უკან გაიწვევს.
"იმ შემთხვევაში, თუ გათვალისწინებული იქნება, იურიდიულ კომიტეტის სხდომაზე გამოთქმული ყვალა შენიშვნა, თუ სრული ზედამხედველობა და კონტროლი იქნება პერსონალურ მონაცემთა დაცვის ინპექტორის ხელში და არა მისი თანამონაწილეობა ფარული მოსმენების პროცესში, რაც ნიშნავს, რომ გასაღები გადაეცემა სხვა სახელწიფო ორგანოს, მაგალითად, როგორც ჩემს პროექტშია, კომუნიკაციების ეროვნულ კომისიას, მაშინ ჩემს მიერ ინიცირებული პროექტი აზრს დაკარგავს", - განაცხადა ხმალაძემ.
შეგახსენებთ, პარლამენტის იურიდიულ საკითხთა კომიტეტის თავმჯდომარე ვახტანგ ხმალაძის წინადადებით, პერსონალურ მონაცემებზე წვდომა კომუნიკაციების ეროვნულ კომისიას ექნება.
ბესელია, ფოფხაძე, სესიაშვილის პროექტით - პერსონალურ ინფორმაციაზე წვდომა პერსონალური მონაცემების დაცვის ინსპექტორს და შსს-ს ექნება, თუმცა მოსმენის ნებართვას სასამართლო გასცემს.
ფარული მიყურადების ე.წ. გასაღების საკითხზე მომზადებულ ორ კანონპროექტს დეპუტატები დღეს, პარლამენტის პლენარულ სხდომაზე უყრიან კენჭს.
