მთავრობის ადმინისტრაციაში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ საქართველოში თურქეთის საგანგებო და სრულუფლებიან ელჩთან ზექი ლევენთ გუმრუქჩუსთანგაცნობითი შეხვედრა გამართა.თურქეთის ელჩმა დავით ბაქრაძეს სახელმწიფო მინისტრად დანიშვნა მიულოცა და მომავალ საქმიანობაში წარმატება უსურვა.
მხარეებმა მიმოიხილეს საქართველოს პროგრესი ნატოში გაწევრიანების გზაზე, არსებით ღონისძიებათა პაკეტის განხორციელების პროცესში პარტნიორი სახელმწიფოების ჩართულობა, არსებული თანამშრომლობის ფორმატები და ხაზი გაესვა გაწევრიანების პროცესში თურქეთის მხარდაჭერის მნიშვნელობას.
სახელმწიფო მინისტრმა ელჩს რუსეთის ფედერაციასა და აფხაზეთის დე-ფაქტო ხელისუფლებას შორის „მოკავშირეობისა და სტრატეგიული პარტნიორობის შესახებ" ე.წ. ხელშეკრულების ხელმოწერასთან დაკავშირებით საქართველოს მთავრობის პოზიცია გააცნო და აღნიშნა, რომ ხსენებულიქმედება ერთმნიშვნელოვნადფასდება,როგორცრუსეთისმიერსაქართველოს ტერიტორიებისფაქტობრივიანექსიისკენგადადგმულინაბიჯი.განიხილეს ის საფრთხეები, რომელსაც ე.წ. ხელშეკრულება უქმნის არა მხოლოდ საქართველოს ტერიტორიულ მთლიანობას, არამედ, ზოგადად რეგიონულ უსაფრთხოებას.
შეხვედრაზე, ასევე, საუბარი შეეხო საქართველო-ევროკავშირს შორის ასოცირების შეთანხმებისა და ასოცირების დღის წესრიგის განხორციელების, მათ შორის, ვიზის ლიბერალიზაციის სამოქმედო გეგმის შესრულების მნიშვნელობას დაევროკავშირის შავი ზღვის აუზის საზღვრისპირა თანამშრომლობის პროგრამის ფარგლებში მიმდინარე საკითხებს.
