თავდაცვის სამინისტროს დაკავებული მაღალჩინოსნების ადვოკატი ლევან სამუშია ,,ჯი-ეიჩ-ენთან" საუბარში პროკურატურის გადაწყვეტილებას პოზიტიურად აფასებს და აღნიშნავს, რომ მისასალმებელია, თუ საგამოიძიებო უწყება ნელ-ნელა სამართლებრივ რელსებზე გადავა.
,,დაახლოებით, ნახევარი საათის წინ პროკურორმა დაგვირეკა, მივსულიყავით პროკურატურაში დ საქმის მასალების წამოსაღებად რასაც გრიფი საიდუმლო მოეხსნა. მივესალმებით იმ ფაქტს, თუ პროკურატურა ნელ-ნელა სამართლებრივ რელსებზე გადავა და სამართლებრივ პაექრობას გაგვიწევს. ჩვენი მოთხოვნაც ეს იყო და ეს იქნება ბოლომდე. Aახლა ვნახოთ რას მოეხსნა გრიფი საიდუმლო და რა დარჩა საქმეში განსაიდუმლოებული", _განაცხადა ,,ჯი-ეიჩ-ენთან" საუბარში სამუშიამ.
მისივე განცხადებით, პროკურატურიდან საქმის მასალებს დღესვე გამოიტანენ.
,,ბუნებრივია საქმის მასალებს დღესვე გამოვიტანთ, რადგან ჩვენთვის თითოეულ წუთს, წამს გადამწყვეტი მნიშვნელობა აქვს", _განაცხადა სამუშიამ.
თავდაცვის სამინისტროს დაკავებული მაღალჩინოსნების საქმეს გრიფი საიდუმლო მოეხსნა, გარდა საქმის იმ ნაწილისა რომელიც შეიცავს ქვეყნის სამხედრო უსაფრთხოებასთან დაკავშირებულ საიდულო ინფორმაიას. ამის შესახებ, ცნობილი მთავარ პროკურატურაში გამართულ ბრიფინგზე გახდა.
შეგახსენებთ, საქალაქო სასამართლოს გადაწყვეტილებით, თავდაცვის სამინისტროს 5 თანამშრომელს აღკვეთის ღონისძიებად, 2 თვიანი წინასწარი პატიმრობა შეეფარდა. დაკავებულებს, გამოძიება სახელმწიფო ბიუჯეტის კუთვნილი 4 102 872 ლარის გაფლანგვის ედავება.
გამოძიების ინფორმაციით, 2013 წელს, თავდაცვის სამინისტროს მიერ ორგანიზებული საიდუმლო სახელმწიფო შესყიდვის მიმდინარეობისას, უპირატესობის „სილქნეტის" მიენიჭა. პროკურატურის განცხადებით, ხელშეკრულებით თავდაცვის სამინისტრომ სს „სილქნეტს" უნდა გადაუხადოს ჯამში 6 720 877.42 ლარი, საიდანაც წინასწარ (ავანსად) გადარიცხულია უკვე 6 480 877.42 ლარი, სანაცვლოდ კი თავდაცვის სამინისტრომ სს „სილქნეტისგან" 2015 წლის 16 იანვარს უნდა მიიღოს ქონება და მომსახურება, რომლის რეალური საბაზრო ღირებულება ექსპერტიზის დასკვნის შესაბამისად შეადგენს მხოლოდ 2 618 004.82 ლარს.
თავდაცვის სამინისტრო ინიციატივით გამოდის, საზოგადოების მაღალი ინტერსის გათვალისწინებით, აღნიშნულ შესყიდვას გრიფი მოეხსნას, რათა პროცესი გამჭვირვალედ წარიმართოს. გრიფის მოხსნას ითხოვს ასევე, დაცვის მხარეც. დაცვის მხარე საქმის პოლიტიკურ სარჩულზე საუბრობს და გრიფი საიდუმლოს მოხსნას ითხოვს.
