24 ნოემბერს 12:00 საათზე ქ ბათუმში, სასტუმრო „შერატონის" საკონფერენციო დარბაზში, აჭარის ავტონომიური რესპუბლიკის მთავრობა საზოგადოებას განვლილი 2 წლის საქმიანობის ანგარიშს წარუდგენს.
შეხვედრას წარუძღვება აჭარის ავტონომიური რესპუბლიკის თავმჯდომარე არჩილ ხაბაძე. შეხვედრაში მონაწილეობას მიიღებენ აჭარის ავტონომიური რესპუბლიკის მინისტრთა კაბინეტის წევრები, საქვეუწყებო დაწესებულებების ხელმძღვანელები, უმაღლესი საბჭოს წევრები, საქართველოს მთავრობის წევრები, ბიზნესმენები, ფერმერები, მეცნიერები, პროფესორ მასწავლებლები, ჯანდაცვის სფეროს, ბანკებისა და ფინანსური ინსტიტუტების წარმომადგენლები.
შეხვედრის მიზანია აჭარის მთავრობის მიერ განვლილ 2 წელიწადში განხორციელებული სამუშაოებისა და უახლოეს მომავალში დაგეგმილი საქმიანიობის შესახებ დაინტერესებული პირების ინფორმირება. მთავრობის წევრები მოისმენენ საზოგადოების მოსაზრებებს, შენიშვნებსა და რეკომენდაციებს აჭარის მთავრობის საქმიანობის შესახებ. უპასუხებენ საზოგადოებისთვის საინტერესო შეკითხვებს.