აჭარის ჯანმრთელობისა და სოციალური დაცვის სამინისტროს პროგრამის ,,თემის სამედიცინო პუნქტებში დასაქმებული სამედიცინო პერსონალის გადამზადების" ფარგლებში, ქედაში, 39 მედდას გადამზადდების ერთკვირიანი კურსი ჩაუტარდა.
მედდებს სწავლება ჩაუტარდათ შემდეგი მიმართულებებით: ქრონიკული დაავადებების რეფერალის ჩვენება, ბავშვთა განვითარების მეთვალყურეობა, ბავშვთა გავრცელებული დაავადებები და ბავშვთა კვება.
სწავლების პროცესს მოწვეული ტრენერები - ნინო ბუაძე და დარეჯან ჯოლოგუა უძღვებოდნენ.
მედდებს სერთიფიკატები აჭარის ჯანმრთელობისა და სოციალური დაცვის სამინისტროს წარმომადგენლებმა, ჯანდაცვის დეპარტამენტის უფროსმა მანანა ფაღავამ და მონიტორინგის განყოფილების მთავარმა სპეციალისტმა სოფიკო თურმანიძემ გადასცეს.
ქედის გამგეობის ჯანმრთელობისა და სოციალური დაცვის სამსახურის უფროსმა დავით თედორაძემ სამინისტროს წარმომადგენლებსა და ტრენერებს მადლობა გადაუხადა გაწეული მუშაობისათვის, ხოლო მედდებს სერთიფიკატების მიღება მულოცა და წარმატებები უსურვა.
