თამარ ბერუჩაშვილის განცხადებით, გუშინ პრემიერ ირაკლი ღარიბაშვილთან გამართული კონსულტაციის შემეგ მიიღო გადაწყვეტილება საგარეო უწყებაში მუშაობის გაგრძელების შესახებ.
,,გუშინ მქონდა პირადი დეტალური საუბარი პრემიერ-მინისტრთან, რის შემდეგაც გადავწყვიტე და ვრჩები ჩემს თანამდებობაზე. მე დარწმუნებული ვარ, რომ საქართველოს ევროინტეგრაცია იქნება შეუქცეცადი პროცესი და ვთვლი, რომ ჩემი ვალდებულებაა ჩემი გამოცდილება და კომპეტენცია მაქსიმალურად მოვახმარო ამ პროცესს", - განაცხადა ბერუჩაშვილმა.
შეგახსენებთ, რომ გუშინ საგარეო საქმეთა მინისტრს მაია ფანჯიკიძესთან ერთად თანამდებობა მისმა ოთხმა მოადგილემ დატოვა, მათ შორის იყო თამარ ბერუჩაშვილი. მათი განმარტებით, გადაწყვეტილება ქვეყნის საგარეო კურსის ცვლილების გამო მიიღეს.
