ნატოს სპეციალური წარმომადგენელი კავკასიასა და ცენტრალურ აზიაში ჯეიმს აპატურაი სოციალურ ქსელში საქართველოში განვითარებულ პროცესებს ეხმიანება და უკვე თანამდებობიდან გათავისუფლებულ მინისტრებს თანამშრომლობისთვის მადლობას უხდის.
,,ჩვენ ყურადღებით ვადევნებთ თვალყურს საქართველოში განვითარებულ მოვლენებს. მინდა მადლობა გადავუხადო მინისტრებს, რომელთანაც მქონდა მჭიდრო თანამშრომლობა უკანასკნელი წლების განმავლობაში იმ მტკიცე ერთგულებისთვის რომელიც მათ ჰქონდათ საქართველოს ევროატლანტიკურ მომავალთან დაკავშირებით. მე მათ ასევე დიდი მადლობა მინდა გადავუხადო პირადი მეგობრობისთვის, რომელსაც იმედი მაქვს, შევინარჩუნოთ", _აცხადებს აპატურაი.
შეგახსენებთ, რომ პრემიერმა თავდაცვის მინისტრი ირაკლი ალასანია თანამდებობიდან გაათავისუფლა, ხოლო საგარეო საქმეთა მინისტრმა მაია ფანჯიკიძემ და სახელმწიფო მინისტრმა ევროატლანტიკურ სტრუქტურებში ინტეგრაციის საკითხებში თანამდებობა საკუთარი სურვილის საფუძველზე დატოვეს.
