სოფლის მეურნეობის მინისტრისთვის ბიუჯეტიდან Iphone 6-ის ყიდვის ფაქტში განსაკუთრებული არაფერი არ არის. ამის შესახებ შრომის, ჯანმრთელობისა და სოციალური დაცვის მინისტრმა დავით სერგეენკომ განაცხადა.
"ყოველთვის მოზომილი ვარ კომენტარებში, მაგრამ ეს უკვე ყოველგვარ საზღვარს სცილდება, განსაკუთრებული ამაში არაფერი არ არის, ეს არის სამსახურებრივი მოხმარების ტელეფონი", - განაცხადა დავით სერგეენკომ.
მინისტრის თქმით, ძალიან მნიშვნელოვანია, რომ ბიუჯეტის თანხები იყოს დაზოგილი და ის მოხმარდეს მოსახლეობის ინტერესებს, თუმცა ყველაფერს აქვს საზღვარი.
შეგახსნებთ, რომ გავრცელებული ინფორმაციით, სოფლის მეურნეობის სამინისტრომ მინისტრ ოთარ დანელიასთვის 1 739 ლარად ღირებული მობილური ტელეფონი Iphone 6 შეიძინა.
სამინისტროში განმარტავენ, რომ ტელეფონი სახელმწიფოს საკუთრებაა და მისნისტრი სარგებლობს სამსახურეობრივი მოვალეობის შესრულების დროს.
