კონსტიტუციური სამართლის სპეციალისტი ვახუტში მენაბდე ,,ჯი-ეიჩ-ენთან" საუბარში აცხადებს, რომ საქართველოს საპარლამენტო რესპუბლიკად გამოცხადება ფაქტობრივი შეეცდომა. როგორც მენაბდემ პარლამენტის ადამიანის უფლებების დაცვის კომიტეტის თავმჯდომარის ეკა ბესელიას განცხადების საპასუხოდ განმარტა საქართველო არის შერეული მმართველობის ქვეყანა, სადაც პრეზიდენტის ძალაუფლება არის შემცირებული, ხოლო პრემიერის გაზრდილი პარლამენტის უფლებამოსილების შემცირების ხარჯზე.
,,საქართველოს საპრლამენტო რესპუბლიკად გამოცხადება ეს არის ფაქტობრივი შეცდომა, რადგან პრეზიდენტსა და პრემიერს აქვს ისეთი უფლებამოსილებები, რომელსაც არავითარი საერთო არ აქვს საპარლამენტო რესპულიკის მქონე ქვეყნის მოდელთან. მაგალითად, პრემიერისთვის ნდობის, ან უნდობლობის გამოცხადებას ფაქტობრივად სასწაულის მოხდენა სჭირდება, რაც არც ერთ საპარლამენტო მოდელის რესპუბლიკაში არ ხდება. იგივე ფინანსურ საკითხებთან დაკავშირებით საკანონმდებლო ორგანოს უფლებამოსილებები საპარლამენტო რესპუბლიკის ქვეყნებში უფრო მოქნილია, ჩვენთან კი უფრო ხისტია. რაც შეეხება პრეზიდენტს ჩვენთან ის პირდაპირი წესით აირჩევა, რაც საპარლამენტო მოდელი მქონე ქვეყნისთვის დამახსიათებლი არ არის, ამავე დროს ჩვენთან პრეზიდენტს შეუძლია მოიწვიოს მთავრობის სხდომა, ვეტო დაადოს კანონს და ვეტო დაადოს პრემიერის კანდიდატურას. ამიტომ ჩვენ გვაქვს შერეული მმართველობის ფორმა, სადაც 2004 წელთან შედარებით პრეზიდენტის ძალაუფლება არის შემცირებული, ხოლო პრემიერის გაზრდილი პარლამენტის უფლებამოსილების შემცირების ხარჯზე", _განაცხადა მენაბდემ.
პარლამენტის ადამიანის უფლებათა დაცვის კომიტეტის თავმჯდომარე ეკა ბესელია აცხადებს, რომ მთავრობა იმ ხარვეზების გამოსწორებაზე მუშაობს, რომელიც კონსტიტუციაში წინა ხელისუფლების მმართველობის შედეგად დარჩა. ამის შესახებ, ბესელიამ "თბილისი მარიოტში" გამართული კონფერენციის შემდეგ განაცახდა.
"ქვეყანაში, რომელიც საპარლამენტო რესპუბლიკაა და მთავრი როლი აქვს პარლამენტს, ამის შემდეგ უკვე მთვრობას, როგორც გადაწყვეტილებების აღმსრულებელ ორგანოს, პერზიდენტი არის სიმბოლური უფლებებით აღჭურვლი. ჩვენ საკონსტიტუციო კომისიის ფარგლებში ვმუშაობთ, რომ დაბალანსდეს არეულობა, რომელიც დარჩა კონსტიტუციაში წინა ხელისუფლების შედეგად", - განაცხადა ბესელიამ.
სახელისუფლებო შტოებს შორის ძალთა ბალანსსა და მოქმედ კონსტიტუციაში არსებულ ხავეზებზე, პარლამენტის წევრებმა კონსტიტუციონალისტებთან და საერთშორისო ორგანიზაციების წარმომადგენლებთან ერთად, სასტუმრო "თბილისი მარიოტში" იმსჯელეს.
