თბილისის მერის მოადგილე ნინა ხატისკაცი და ვაკის რაიონის გამგებელი გივი ჭიჭინაძე პოლიტკოვსკაიას ქუჩა N18-ში მცხოვრებ მოსახლეობას შეხვდნენ.
აღნიშნულ მისამართზე მცხოვრებმა პირებმა საკუთარი პრობლემების მოგვარების თხოვნით თბილისის მერიის შესაბამის სამსახურებს მოსახლეობასთან მიღების დღეს მიმართეს.
რვასართულიან კორპუსში 2002 წელს თბილისში მომხდარი მიწისძვრით დაზარალებული 107 ოჯახი ცხოვრობს. კორპუსში არ არსებობს კანალიზაციისა და წყლის სისტემა, მოსახლეობის ნაწილს არ აქვს დაკანონებული საცხოვრებელი ფართები, მოსაწესრიგებელია გაზიფიცირების პრობლემაც.
თბილისის მერის მოდგილის, ნინა ხატისკაცის თქმით, მოსახლეობას წლების განმავლობაში ბევრი პრობლემა დაუგროვდა, ამიტომ აუცილებელია მათი მდგომარერობის შესწავლა და, პირველ რიგში, პირველადი საყოფაცხოვრებო პრობლემების მოგვარება.
