პრემიერ-მინისტრის ინიციატივით შექმნილმა სოლიდარობის ფონდმა მოსამზადებელი ეტაპი და საჯარო უწყებებში შეხვედრები დაასრულა.
ფონდის მიზნებსა და კონცეფციაზე დეტალური ინფორმაცია საჯარო მოხელეებს მთავრობის ადმინისტრაციის უფროსის მოადგილემ ნინო კობახიძემ და სოლიდარობის ფონდის ხელმძღვანელმა მარიამ ჯაშმა მიაწოდეს.
პრეზენტაციები ასევე გაიმართება მთავარ პროკურატურასა და ფინანსთა სამინისტროში.
სოლიდარობის ფონდში ნებაყოფლობით დონაციის სურვილი საჯარო სექტორში 20 ათასმა ადამიანმა გამოხატა. ფონდში პირველი შენატანები მთავრობის ადმინისტრაციის თანამშრომლებმა განახორციელეს. სოლიდარობის ფონდში, რომლის მთავარი ლოზუნგია „სიკეთე გადამდებია", თანხას ყოველთვიურად საკუთარი ხელფასიდან რიცხავს საქართველოს პრემიერ-მინისტრი ირაკლი ღარიბაშვილი.