აშშ-ს პრეზიდენტის ბარაკ ობამა ღრმა შეშფოთებას გამოთქვამს იმასთან დაკავშირებით, რომ მოსკოვმა აღმოსავლეთ უკრაინაში მყოფი სეპარატისტების მხარდაჭერა გაზარდა. ამის შესახებ მან რუსეთის პრეზიდენტს ვლადიმერ პუტინს სატელეფონო საუბრის დროს განუცხადა.
როგორც თეთრი სახლის ოფიციალურ შეტყობინებაშია ნათქვამი ობამამ კიდევ ერთხელ აღნიშნა, რომ კვლავინდებურად უკრაინაში შქმნილი კრიზისის მშვიდოან დარეგილირებას უჭერს მხარს, თუმცა ასევე შეშფოთება გამოხატა იმით, რომ აშშ-ს ხელთ არსებული ინფორმაციით, რუსეთმა 1987 წელს ხელმოწერილი ახლო და შორეული რადიუსის რაკეტების განადგურების შეთანხმება დაარღვია. ინფორმაციას ამის შესახებ „დოიჩე ველე" ავრცელებს.
თავის მხრივ, კრემლის პრესსამსახურის ინფორმაციით, პუტინმა აშშ-სა და ევროკავშირის მიერ რუსეთის წინააღმდეგ სანქციების შემოღებას „კონტრპროდუქტიული" უწოდა, რაც ზიანს „აყენებს ორმხრივ თანამშრომლობას და საერთაშორისო სტაბილურობას მთლიანობაში".
მასალის გამოყენების პირობები
