ქართული დელეგაცია გამთენიისას ჟენევაში გაემგზავრა. მოლაპარაკებათა მორიგი რაუნდი ხვალ, 30 მარტს გაიმართება.
მოლაპარაკებებზე ქართული მხარე კვლავ ოკუპირებულ ტერიტორიებზე უსაფრთხოებისა და დევნილთა დაბრუნების საკითხების დაყენებას აპირებს.
ოფიციალურ თბილისში მიიჩნევენ, რომ რუსეთის წინააღმდეგობის მიუხედავად საერთაშორისო მოლაპარაკებათა გაგრძელება აუცილებელია.
შეგახსენებთ, რომ სწორედ რუსული მხარის წინააღმდეგობის გამო ვერ მოხერხდა მოლაპარაკებათა წინა რაუნდზე ევროპელი თანათავმჯდომარეების მიერ უსაფრთხოების შესახებ მომზადებული დოკუმენტის მიღება. რუსულმა მხარემ მისი განხილვა შემდეგ შეხვედრაზე მოითხოვა.